Les mots surlignés font l'objet d'une note
1Reçue à [?], 03 janvier 1574.
2De Dôle le 24 décembre 1573
3De Flandres, lon nous mande que lunziesme du passé, le duc d’Albe estoit retourné d’Hollande
4et arryvé à Bruxelles ; et tost après se feist dire travallié des gouttes. Le mardy
5dix septiesme dudit, arriva aussi à Bruxelles le grand commandeur de Castille audevant
6duquel furent quasi par une demye lieue de chemin le duc d’Ascot et le
7sieur Domp Federic. Il alla descendre au palais et son train fust logé
8en la maison de monsieur le cardinal de Grand Velle jusques à ce que ledit
9duc d’Albe soit sorty qui debvra estre à ce que lon discourt par tout
10le moys qui vient et pasera par ce pays.
11Le vingt huictiesme dudit, il remist son gouvernement en mains dudit sieur commandeur
12et dix jours auparavant, larmée de monsieur de Belvoir estoit partie
13d’Anvers pour le ravitalliement de Medelbourg avec soixante vesseaul
14chargez la plus part, de vivres et munition de guerre et que pour la veoir
15et mectre en mer, le sieur gouverneur d’Anvers, avec grand nombre de peuple
16et autres estoint sur le port, fust tyré ung coup dartilherie desdits
17vaisseaulx qui tua bien douze personnes et entre iceulx lung des maîtres dhostel
18dudit duc.
19Ladite armée ne feust deux journées loing d’Anvers quelle ne rencontra
20lennemy qui luy feist teste et combatyrent bien douze heures si furieusement
21que lon ouyoit à plain les couptz dartilherie audit Anvers. En fin, lennemy
22contrainct de si prez madite armée quelle fust forcée se separer
23en deux et se retyra ledit jour de Bolvoir et terre proche dune petite
24ville que les rebelles tiennent, nommée Rousval quil print et le lendemain,
25larmée se rallya et alla unye jusques à Berghes où elle estoit
26encor le second de ce moys, ne pouvant passer plus ooultre sans
27danger daffronter lennemy. Ledit sieur de Belveoir avoit layssé sept
28cens soldatz dans ledit Rousval, mais par ce quilz navoient vivres
29ny monition de guerres, estans peu de jours après assiegez, ilz se
30rendirent à lennemy et sortyrent les vies saulves avec perte toutesfoys
31de quatre demy canons et cinq batteaulx.
32Monsieur de Genlys, qui avoit esté prins à la deffaicte de sa campagne
33devant Montz, estoit prisonnier au château d’Anvers, est mort